N ben d'un tera lonji
D'un tera lonji di li
Dja N ten andadu mundu
Ma N k'atxa un lugar sabi si
A mi e fidju di rotxa
Ki Bentu Lesti fulia na mar
Dentu mi ten des ilia
Kabu Verdi, Kabu Verdi
La na nha Tera lonji
Lamentu di Povu foi txeu
Konsiensia grita ora
I un di ses vos foi Kabral
Nos e fidjus di rotxa
Ki Bentu Lesti fulia na mar
Dentu nos tudu e ilia
Kabu Verdi, Kabu Verdi
Palan so ta spera txuba
Txiku, Nhela ku ses uril
Tufuka dja bendi si pexi
Oji Benta txiga Lisboua
Filisianu txora sodadi
Beny ganha totobola
Es vida e sima mare
Ku kada anu ta nasi speransa
Di odja azagua ben tras di simentera
Pa vida bai mas suavi si, mas doxi si
Pa kada un ki kre es txon