Millione Kaffeetasse späder stehste immer noch dovüür: Vüür dingem Schervenhaufe, dä de johrelang verdräng häss. Do jöhvs e Königreich dovüür, kräätste dich doch nur konzentriert op eine einzije Jedanke, wenn och nur für 'ne Moment. Die affjerissne Blädder vum Kalender zällste jetz schon lang nit mieh. Die Zahl der Aureblecke, die se fott ess, weiste och su. Verfluchs dich, weil du dich schon widder suhls en chronischer Melancholie, doch ding Unfähigkeit, dat zozejevve, ess nit mieh tabu. T'ess ding Erinnerung, die Falle stellt, die jolden dat usschmöck, wat einijermaßen o.k. wohr – dat andre blieht verstöbb. Bunte Trümmer - als wöhr nix Besondres zerstört, bloß e Spill – uss! Bloß en Pokerpartie met zehn Asse un mieh, dat Kaatehuus. Sick Woche laufe Filme krüzz un quer, hin un her. Ussjelouch - du föhls dich opjebrouch, du föhls dich völlig leer. Die Vorhäng zo – du wills die Sonn nit sinn, wills dunn, als wöhr se he; oder als ob sich ihre Schlössel jetz jraad drieht em Schloß; als ob et Telephon 'ne Salto schlaare däät, ahm andre Eng wöhr sie; e Telejramm köhm ahn oder 'ne Breef vun ihr wöhr bei der Post. Du willse spüre, willse berühre: "Roof mich ahn!" Bloß niemieh schwöre: "Ich jehöhre..." – dann loss et doch, Mann!